دیجیتاڵ
ئەمڕۆ دووشەممە 14ی ئەیلوولی 2026، سەرۆکی هەرێمی کوردستان پێشوازی له كاربهڕێكهرى نوێى باڵیۆزخانهی ئهمهريكا له عێراق کرد،له ديدارهكهدا پهیوهندییەکانی عێراق و ههرێمی كوردستان لهگهڵ ئهمهريكا، دۆخی ناوخۆی عێراق و پەیوەندییەکانی هەولێر و بەغدا تاوتوێ كران
نێچیرڤان بارزانی، سهرۆكی ههرێمی كوردستان پیرۆزبایی لە ستیڤن فهیگن، كاربهڕێكهرى نوێى كاروباری باڵیۆزخانهی ئهمهريكا له عێراق کرد بە بۆنەی دەستبەکاربوونی لە ئەرکە نوێیەکەی،هەروەها هیوای سهركهوتنی بۆ خواست و ئامادەییی تەواوی هەرێمی کوردستانی بۆ پشتيوانى و سهرخستنى ئهركهكهى، دووپات کردەوە. بەگوێرەی راگەیێندراوی سەرۆکایەتیی هەرێمی کوردستان، له ديدارهكهدا پهیوهندییەکانی عێراق و ههرێمی كوردستان لهگهڵ ئهمهريكا، پهرهپێدانی هاریكاریی هاوبهش له بوارە جیاوازەکاندا، دۆخی ناوخۆی عێراق، پهیوهندییهكانی ههولێر و بهغدا و گرنگیی چارەسەرکردنی كێشهکان له ڕێگەی دیالۆگەوە، تاوتوێ كراون.
هاوکات ستیڤن فەیگن پێزانینی بۆ رۆڵی هەرێمی کوردستان لە عێراق و ناوچەکە دەربڕیوە، جەختی لەسەر گرنگیی سەقامگیری و بەهێزکردنی پەیوەندییەکانی وڵاتەکەی لەگەڵ عێراق و هەرێمی کوردستاندا له ههموو بوارهكاندا کردووەتەوە.
بەگوێرەی راگەیێندراوەکە، هەردوولا جەختیان لە گرنگیی پشتگیریی حکومەتی عێراق و پرۆسەی قۆرخکردنی چەک لەدەستی دەوڵەت کردووەتەوە، دۆخى ناوخۆ و گرنگيى تهبايى و كۆدهنگى له ههرێمى كوردستان و دوایین پێشهاتهكانى ناوچهكه تەوەرێکی دیکەی دیدارەکەبوون.
.
