ئابووری
کوردستان وەزارەتی پێشمەرگە هاوکاری دارایی هاوپەیمانان
وەزارەتی پێشمەرگە دەڵێت: سبەی پێنجشەممە 24ـی ئەیلوولی 2026، دەست بە دابەشکردنی هاوکاری دارایی هاوپەیمانان دەکرێت.
چوارشەممە، 23ـی ئەیلوولی 2026، وەزارەتی پێشمەرگەی حکوومەتی هەرێمی کوردستان لە راگەیەنراوێکدا رایگەیاند، هاوکاریی دارایی هاوپەیمانان بۆ مانگەکانی(8 و 9) خرایە سەر هەژماری وەزارەتەکە.
بە پێی راگەیەنراوەکە، بەڕێوەبەرایەتى گشتى بوودجە و بەرنامەکان (ژمێریارى سەربازی) رێکارە دارایی و ژمێریارییەکانی ئەنجام داوە بۆ دابەشکردنی هاوکارییەکە، بۆ ئەم مەبەستە رۆژی پێنجشەممە 24ـی ئەیلوولی 2026، دەست بە دابەشکردنی دەکرێت.
دیجیتاڵ میدیا ,
