سیاسی
کوردستان سەرۆکوەزیران مەسرور بارزانی
سەرۆکوەزیران مەسرور بارزانی لە پەیامێکدا پرسە و سەرەخۆشی لە بنەماڵە و کەسوکاری کەمال شاکر، سکرتێری پێشووتری حزبی شیوعیی کوردستان و وەزیری پێشووتری تەندروستیی حکوومەتی هەرێمی کوردستان کرد و گوتی، "هاوبەشی خەمیانم".
دەقی پرسەنامەکەی سەرۆکی حکوومەتی هەرێمی کوردستان:
پرسە و سەرەخۆشی لە بنەماڵە و کەسوکار و هاوڕێیانی خوالێخۆشبوو کەمال شاکر، سکرتێری پێشووتری حزبی شیوعیی کوردستان و وەزیری پێشووتری تەندروستیی حکوومەتی هەرێمی کوردستان دەکەم و هاوبەشی خەمیانم.
خودای مەزن گیانی بە بەهەشت شاد بکات و ئارامیی و دڵنەواییش بە بنەماڵەکەی ببەخشێت.
مەسرور بارزانی
سەرۆکی حکوومەتی هەرێمی کوردستان
دیجیتاڵ میدیا ,
